نصيحة أحمد جمال للطلبة قبل الامتحانات: ماتقولش أنا ضعت

وجه المطرب أحمد جمال نصائح لمتابعيه من الطلبة قبل امتحانات الفصل الدراسي الأول.

كتب أحمد جمال عبر حسابه على Facebook، موجها بعض النصائح بناء على تجربته السابقة، موضحا: "عايز أقول اكم أني في أيام الامتحانات مكنتش ببقى مذاكر المواد كلها وببقى عايز أأجل ماده أو اتنين في كل تيرم "بعذر صحي مثلاً".

أضاف: " بس كان عندي صاحبي دفعتي طول الوقت بيقولي عمرك ما هتذاكر ماده كامله لو أجلت ميت سنه أدخل امتحن في ميعادك وأكيد كلنا في نفس الظروف، وكنت ببقى واخد قرار التأجيل وأغير رأيي في أخر وقت بسبب كلامه و أدخل وامتحن، وفي النهايه نجحت واتخرجت واكتشفت أنه كان على حق".

أوضح أحمد جمال الذي أنهى دراسته للصيدلة قبل سنوات: "أنت كمان متقولش أنا ضعت .. شد على نفسك وذاكر حتى لو باقي ساعه على الامتحان وصدقني هتنجح وتعدي وهتضحك على الأيام دي لما تتخرج. شجعتك مش كده؟ يلا دوس جامد بقى يا بطل".

يذكر أن أحمد جمال شارك مؤخرا في إحياء حفل عيد الحب بدار الاوبرا المصرية بالاشتراك مع كارول سماحة، وقدم عدد من الأغاني من بينها "الجمال عليك شوية" إلى جانب مجموعة من أشهر أغانيه ومنها:"أضحكي، تحيا ، النهاية، هنحب مين غيرها، من غير مجاملة، نشيد العاشقين"، بالإضافة إلى أغنية جديدة بعنوان "بحبك".

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى