الملخص- محمد هنيدي في "سهرانين": أحمد زكي قالي مثل بضهرك وفكهاني جاري كان كل يوم يسألني بوست ليلى علوي ولا لسه

الملخص- محمد هنيدي في "سهرانين": أحمد زكي قالي مثل بضهرك وفكهاني جاري كان كل يوم يسألني بوست ليلى علوي ولا لسه
الملخص- محمد هنيدي في "سهرانين": أحمد زكي قالي مثل بضهرك وفكهاني جاري كان كل يوم يسألني بوست ليلى علوي ولا لسه

حل الفنان محمد هنيدي ضيفا على برنامج "سهرانين" من تقديم أمير كرارة ويعرض عبر قناة ON.

وخلال الحلقة حكى هنيدي عن ذكريات من طفولته وكواليس أعماله وبداياته الفنية.

نرشح لك: براءة رانيا يوسف من تهمة الفعل الفاضح بعد تصريحات جريئة في لقاء تليفزيوني

وفي نقاط نستعرض أبرز تصريحات محمد هنيدي خلال الحلقة:

- أنا كنت أقرب حفيد لجدي وكان ليا معاملة خاصة، ولما مات قالولي سابلك حاجة افتكرت ورث لكن طلع "الصديري والعصايا" وانفعلت وقتها ورميت الحاجة على الأرض.

- أنا جيت بعد 4 بنات فكنت مميز عند جدي، وكنت بحبه جدا ومش بحب أزعله، وكنت طفل مدلل.

- كنتب بتوه وأنا صغير أول ما أشوف زفة عروسة أجري وراها وألاقي نفسي بعدت عن إمبابة وتوهت، وحتى الآن أتواصل مع أصدقائي في إمبابة.

- كنت أحب الجلوس في سوق الفاكهة وأمسك الميكروفون وأنادي للبيع، وتعلمت اللهجة الصعيدية من هناك.

- تأثرت بشخصية بائع فاكهة وأحاول كتابة عمل عنه، وكان سعيد جدا بنجاحي في التمثيل وكان دائما يسألني "بوست ليلى علوي ولا لسه".

- تعرفت على علاء ولي الدين في معهد الفنون المسرحية، أما أشرف عبد الباقي تعرفت عليه في الإسكندرية كنت أقدم مسرحية هناك.

- أنا وعلاء ولي الدين وأشرف عبد الباقي كنا دايما بنسهر في مركب "عم أحمد" في النيل.

- لما سقطت في المدرسة وقفت ناس على ناصية الشارع علشان جواب النتيجة ميوصلش لوالدي.

- لعبت في نادي الزمالك ودخلت مدرسة الثانوية الرياضية، واترفدت أسبوعين من المدرسة بسبب أني غرقت استاد بالمايه قبل مباراة الأهلي والاتحاد.

- اترفدت من كلية الحقوق بعد أول سنتين.

- "صعيدي في الجامعة الأمريكية" كان فكرتي كان اسكتش بنقدمه في الجامعة.

- اشتريت البدلة الصفرا في "صعيدي في الجامعة الأمريكية" من وكالة البلح، ومحتفظ بيها لحد النهاردة.

- قدمت تامر حسني في حفلة قبل 21 سنة كان لسه شاب وأنا يسرا كنا بنختار من بين بعض الموهوبين.

- مفيش كوميديان يضرب ويعمل أكشن، الكوميديان لازم بيضرب ويصعب على الناس.

نرشح لك: محمد هنيدي: تركت امتحان من أجل فاتن حمامة وسعاد حسني رفضت تقابلني

- بعشق شخصية "رمضان مبروك أبو العالمين" وساعات بعيش بيه مع أسرتي وأصدقائي.

- قابلت شخصية "عفت الشربيني" التي قدمتها "في جاءنا البيان التالي" في مهرجان الإسكندرية، لفتت نظري بطريقة كلامها، ومحتفظ بكل ملابسها وإكسسواراتها حتى الآن.

- تركت امتحان في المعهد علشان أمثل مع فاتن حمامة في "يوم حلو ويوم مر" ولما شافتني أثنت عليا واستمرت علاقتي بها حتى آخر يوم في عمرها.

- أحمد زكي في فيلم "البطل" قالي "مثل بضهرك" لما كان في مشهد الكاميرا بتصورني من "ضهري" وطلب أن أؤدي المشهد بشكل جيد.

- رفضت بطولة فيلم مع يوسف شاهين لأن الدور مكنش مناسب ليا، وكان جاري في العجمي وبأقضي إجازة الصيف معاه.

- سعاد حسني رفضت تقابلني وقالت أنها مبقتش سعاد بتاعة زمان، واستمرت علاقتي بيها على التليفون وهي في لندن وكانت لما ترد متقولش "ألو" تقول "زوزو".

اقرأ أيضا:

أحدث ظهور لعمرو دياب مع طارق العريان في تصوير إعلان العطر الخاص به

لميس للحديدي تكشف تفاصيل حادثة عمرو أديب وتوجه الشكر لأربعة شباب

فريدة سيف النصر عن دفاعها عن محمد رمضان: مليش مصلحة معاه

dmc تغير ترتيب حكايات "حلوة الدنيا سكر" وتعرض "الجريمة لا تفيد" والمخرج غاضباً: بعتذر عن إخراج الباقي

أحمد زكى أمير كرارة صعيدي في الجامعة الأمريكية فاتن حمامة ليلى علوي محمد هنيدي يوسف شاهين سعاد حسني همام في أمستردام عفت الشربيني برنامج سهرانين أفلام محمد هنيدي أخبار محمد هنيدي

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى