علّقت الفنانة المغربية بسمة بوسيل على ردود الفعل الواسعة بعد حلقتها في برنامج “عندي سؤال” الذي يقدّمه الإعلامي محمد قيس على قناة “المشهد”، والانتقادات التي طاولتها بعد حديثها عن زواجها وطلاقها من النجم تامر حسني.
وقالت بسمة خلال لقاء لها مع برنامج “ET بالعربي”: “مكنتش عارفة إن الحلقة هتعمل كده، المفروض إنه تمت استضافتي عشان أقول حاجة على نجاح أغنية (لأ ثواني)، والحديث عن مشواري وعودتي للفن، الحلقة مكنتش عشاني، كنت بتكلم عن نفسي ومش ذنبي إني كنت متجوزة فنان مشهور”.
وأكدت بوسيل أنها كانت تشعر بالارتياح أثناء تواجدها في البرنامج، قائلةً: “معنديش مشكلة الصراحة مع الكومنتات الناس تعمل اللي هي عايزاه طول ما أنا بعمل اللي مريّحني، أنا كنت مرتاحة في الإنترفيو وحسيت إني طلّعت اللي في قلبي، مضيقتش من الكومنتات، بالعكس طول ما أنا بعمل اللي عايزاه وبحبه، اللي عايز يتكلم يتكلم مش فارق لي طالما أنا مبسوطة جداً وبعمل اللي بحبه”.